Yurak to'satdan tez ura boshlaydi. Nafas yetishmaydi. «Hozir o'laman» degan qo'rquv keladi. Tez yordam chaqirasiz — kelishadi, tekshirishadi, «hammasi joyida» deyishadi. Bir hafta o'tib hammasi qaytadan takrorlanadi.
Bu yurak kasalligi emas. Bu — vahima xuruji. U asab tizimining holati va davolanadi.
Quyidagi 10 ta darsda buning nima ekanini, nega aynan sizda boshlanganini va nima qilish kerakligini tushuntiraman. Darslar ketma-ket ko'rilgani ma'qul.
Kitobimning 30 varaqlik demo versiyasi. Ichida uchta haqiqiy keys, xavotirning olti turi, ikkita test va «Tozalanish» mashqi. Kitob bilan birga 12 ta kundalik ham bor — kun ora, har birida bitta mashq. Hammasi bepul, to'lovsiz.
Xalqaro skrining testlari — vahima, xavotir va depressiya bo'yicha. Bepul, javoblar hech qayerga yuborilmaydi. Natijani qabulga olib keling — shifokor uchun bu boshlang'ich nuqta bo'ladi.
Psixiatr qabuli — 500 000 so'm. Onlayn konsultatsiya ham mumkin. Assistentning 15 daqiqalik suhbati bepul.